2Jo | TpiKJPB | STEP |

2 John

Namba Wan Pas i Kam Long Aposel

2 Jon

1 ¶ Lapun hetman i go long bikmeri God i makim na ol pikinini bilong em, husat mi laikim tru insait long tok tru. Na i no mi tasol, tasol tu olgeta husat i bin save long tok tru. 2 Long tingim tok tru, dispela i stap insait long yumi, na bai stap wantaim yumi oltaim oltaim. 3 Marimari i ken stap wantaim yupela, sori, na bel isi, i kam long God Papa, na long Bikpela Jisas Kraist, Pikinini Man bilong Papa, long tok tru na laikim tru. 4 Mi wokim bikpela amamas tru long mi lukim long ol pikinini bilong yu i wokabaut insait long tok tru, olsem yumi bin kisim wanpela strongpela tok i kam long Papa. 5 ¶ Na nau mi askim yu plis strong, bikmeri, i no olsem mi raitim wanpela nupela tok strong i go long yu, tasol dispela samting yumi gat long stat, long yumi mas gat laikim tru wanpela i go long narapela. 6 Na dispela em i laikim tru, long yumi wokabaut i bihainim ol tok strong bilong em. Dispela em i dispela tok strong, Long, olsem yupela i bin harim long stat, yupela i mas wokabaut insait long en. 7 ¶ Long wanem, planti man bilong giaman i kam insait pinis long dispela graun, husat i no tok yes long Jisas Kraist i kam long bodi. Dispela em i man bilong giaman na wanpela giaman kraist. 8 Lukluk gut long yupela yet, long yumi no lusim ol dispela samting, dispela yumi bin wokim, tasol long yumi ken kisim pe i pulap. 9 Husat man i kalapim lo, na i no stap insait long skul bilong Kraist, i no gat God. Em husat i stap insait long skul bilong Kraist, em i gat Papa na Pikinini Man wantaim. 10 ¶ Sapos i gat wanpela i kam long yupela, na em i no bringim dispela skul, yupela i no ken kisim em i kam insait long haus bilong yupela, na tu yupela i no ken tokim em, God i go wantaim yu. 11 Long wanem, em husat i tokim em, God i go wantaim yu, em i kisim hap bilong ol wok nogut bilong em. 12 ¶ Taim mi gat planti samting long raitim long yupela, mi no gat laik long raitim wantaim pepa na ing. Tasol mi gat bilip long mi bai kam long yupela, na toktok pes i go long pes, inap long amamas tru bilong yumi i ken stap pulap. 13 Ol pikinini bilong susa bilong yu God i makim i salim gude long yu. Amen.